El colectivu Glayíu vuelve a la carga col segundu discu qu´asoleya Mala Fama, la colección que dedica a la música más actual del país. Llume yel nuevu trabayu del grupu astur Gomeru, nel que sinclúin cantares nos que la banda carbayona dexa bien nidia la so postura frente temes dactualidá como la llucha Palestina, la situación del Sáh.ara, la violencia machista, o la reivindicación llingüística. Nuevos cantares calificaos como contundentes que recuerden a los primeros Dixebra o a los vascos Hertxainak.
Gomeru amuesa en Llume un soníu más maduru y ellaboráu, con guitarres más nítides y vientos bien arranchaos, y con collaboraciones de luxu nes voces, como son les de Xune de Dixebra o Pirri dEscuela de Odio.
El preciu, ye calificáu por Glayíu como popular a más non poder: cinco euros por casi una hora de música de les que, comenten, van directes a la materia gris.